Nuair a chuala mé gur Fergus Ó hÍr a thabharfadh Léacht Bhliantiúil Radió Fáilte seachtain go leith ó shin, ghlac mé go fonnmhar leis an deis éisteacht le m’iarbhainisteoir ar Raidió Fáilte ag labhairt faoina shaol agus a shaothar.
San uair go leith a bhi ar fáil dúinn, ní raibh barúil agam cén ghnéithe den tréimhse sin a bheadh faoi chaibidil aige. Dhírígh sé isteach ar trí rud: go háirithe stair na coimhlinte anseo agus is ar sin go príomha a bhéas mé ag scríobh. Tá an-spéis agam san ábhar agus bhi neart léite agam faoi, ach dhá oiread níos mó ó Fhergus ná go bhfuair mé in aon leabhar.
Bhí sé í láthair don ré sin ar fad agus chuimhigh sé ar achan eachtra, achan comhrá le cara agus namhaid agus achan gluaiseacht a bhí ann le linn na dTrioblóidí, é féin páirteach sa chuid is mó díobh.