Go minic nuair a phléitear an riachtanas dlús a chur leis an aistriú go foinsí glasa fuinnimh luaitear an tSín mar stát atá freagrach as an úsáid is mó den bhreosla iontaise.
Tá sin fior, ach is í an tSín atá chun tosaigh ar gach stát eile sa Domhan san aistriú ó ghual go fuinneamh gréine.
Tá an ghrian réidh le dul thar ghual mar an bhfoinse is mó de chumas cumhachta suiteáilte sa tSín i mbliana, de réir mar a neartaíonn Béising a haistriú glas le béim athnuaite ar éifeachtúlacht, ar cháilíocht agus ar fhás ordúil thar mhéid amh.
Shroich cumas gréine iomlán suiteáilte 1.27 billiún cileavata (kW) faoi dheireadh mhí an Mheithimh agus bhíothas ag súil go sáródh sé gual roimh dheireadh na bliana, de réir mar a thuairiscigh an nuachtán stáit People’s Daily, ag lua Cumann Tionscal Fótavoltach na Síne (CPIA).