Déanann Eoin Ó Murchú machnamh ar fheachtas bolscaireachta an AE i leith saoirse cainte agus ar an bhfhírinne a bhréagnaíonn é.
Má shiúlann tú isteach i stáisiún Heuston, Baile Átha Cliath, ar do bhealach go Gaillimh b’fhéidir, tá an póstaer seo os do chomhair amach: Saoirse Cainte – Cosain an rud atá tábhachtach.
Ba bhreá an mana é, dá mbeadh sé fíor. Ach níl sé fíor. Thar aon institiúid eile inár saol inniu is é an tAontas Eorpach a chleachtann cinsireacht agus cur faoi chois argóintí a thagann salach ar an líne oifigiúil.
Tógaimis na cogaí móra atá ar siúl faoi láthair, san Úcráin agus san Iaráin. Le tuiscint cheart a fháil ar na cogaí sin, agus ar an mbealach atá siad ag oibriú amach, bheadh sé riachtanach argóintí ón dá thaobh a chloisteáil.
Ach tá cosc curtha ag an Aontas Eorpach ar iarrachtaí rochtain ar sheirbhísí nuachta na Rúise mar shampla. Déan iarracht teacht ar Russia Today, seirbhís nuachta a bhfuil Éireannach ag obair ann fiú. Tá sé faoi chosc.