Tá an chuid is mó de na hainmfhocail sa chúigiú díochlaonadh baininscneach.
Críochnaíonn roinnt ainmfhocal ar chonsan caol nó ar ghuta san ainmneach agus ar chonsan leathan (-ch, -d, -(n)n, -r) sa ghinideach uathu.
Tá tréaniolraí ag an gcuid is mó de na hainmfhocail.
| Aicmí tréaniolraí | Ainmneach uathu | Ginideach uathu | Ainmneach agus ginideach iolra |
| -il, -in, -in, -ir san ainmneach uathu | cathair draein riail traein treoir triail uimhir | cathrach dreanach rialach traenach treorach trialach uimhreach | cathracha dreanacha rialacha traenacha treoracha trialacha uimhreacha |
| -inn, -ir san ainmneach uathu | abhainn máthair teorainn | abhann máthar teorann | aibhneacha máithreacha teorainneacha |
| Ainmfhocail bhaininscneacha a chríochnaíonn ar ghuta | ceathrú comharsa ionga leite monarcha pearsa | ceathrún comharsan iongan leitean monarchan pearsan | ceathrúna comharsana (gin. iol. comharsan) ingne gan iolra monarchana pearsana (gin. Iol. pearsan) |
| Ainmfhocail fhirinscneacha a chríochnaíonn ar -id sa ghinideach uathu | fiche (tabh. uathu fichid) tríocha ceathracha caoga seasca seachtó ochtó nócha | fichead tríochad ceathrachad caogad seascad seachtód ochtód nóchad | fichidí tíochaidí ceathrachaidí caogaidí seascaidí seachtóidí ochtóidí nóchaidí |
| Ainmfhocail ilghnéitheacha | bráid cara caora Éire (tabh. uatha Éirinn) namhaid Nollaig | brád carad caorach Éireann namhad Nollag | bráid cairde caoirigh (gin. iol. caorach) gan iolra naimhde Nollaigí |
Úsáid an t-eolas agus an tábla thuas, agus an bunachar gramadaí ag https://www.teanglann.ie/ga/gram, chun na bearnaí seo thíos a líonadh:
Samplaí:
- An chathair – Tá An Páipéar ar fáil ar fud na cathrach.
- Na mainistreacha – Tá díscaoileadh na mainistreacha i measc na ngníomhartha ba thromchúisí a rinne Anraí VIII.
- Traein – Ba bhreá liom a bheith i mo thiománaí traenach.
- Na draenacha – Tá an feirmeoir ag réiteach ________________.
- An teorainn – Chun an praghas is fearr a fháil ní mór dul trasna ______________.
- An Cheathrú Ghaeltachta – Tá Cultúrlann McAdam Ó Fiaich i lár ___________________.
- Leite – Ag ithe mo _________________ ar maidin a bhí mé.
- Cara – Is maith an scáthán súil _____________.
- An Nollaig – Ní fada go mbeidh ceol ________________ le cloisteáil sna siopaí.
- Éire – Tá muintir _____________ ina gcónaí in Éirinn.
Freagraí…
- Na draenacha – Tá an feirmeoir ag réiteach ndraenacha.
- An teorainn – Chun an praghas is fearr a fháil ní mór dul trasna na teorann.
- An Cheathrú Ghaeltachta – Tá Cultúrlann McAdam Ó Fiaich i lár na Ceathrún Gaeltachta.
- Leite – Ag ithe mo leitean ar maidin a bhí mé.
- Cara – Is maith an scáthán súil carad.
- An Nollaig – Ní fada go mbeidh ceol na Nollag le cloisteáil sna siopaí.
- Éire – Tá muintir na hÉireann ina gcónaí in Éirinn.