Thug Príomh-aire na Ríochta Aontaithe Andy Burnham óráid ag féasta Ardmhéara Londan Dé Luain nuair a mhaígh sé go bhfuil níos mó caillte ag an Ríocht Aontaithe ná mar atá gnóthaithe acu sna blianta ó d’fhág siad an tAontas Eorpach. Bhí sé ag tagairt don Bhreatimeacht ar vótail pobal na Breataine ar a shon, cé gur gur vótáil Albain agus na sé chontae ina éadán, i mí an Mheithimh 2016. Dá dheasca sin d’fhág an Ríocht Aontaithe an tAontas Eorpach go foirmiúil in 2020. Go bunúsach bhí Burnham ag fógairt go mba cheart don Ríocht Aontaithe athmhachnamh a dhéanamh ar a gcaidreamh leis an Aontas Eorpach.
“Tá sé cosúil le héadaí nua an Impire – níl éinne sásta an fhírinne lom a rá. Bhuel, deirimse rudaí mar a fheicim iad. Agus leis an bhfírinne a rá, níl aon éadaí ar an Impire ar chor ar bith. Níor éirigh leis an mBreatimeacht a fuaireamar. Tá níos mó caillte againn ná mar atá gnóthaithe againn,” a dúirt sé.