Zelenskyy le fágáil taobh amuigh
Tá obair ar siúl maidir le cruinniú tríthaobhach idir uachtaráin na Rúise, na Síne agus SAM, Vladimir Putin, Xi Jinping agus Donald Trump, le linn chruinniú mullaigh Chomhar Eacnamaíochta an Aigéin Chiúin agus na hÁise an mhí seo chugainn i bpríomhchathair ghnó na Síne, Shenzhen, chun plé a dhéanamh ar réiteach féideartha ar chogadh na hÚcráine.
De réir The Wall Street Journal níl sé i gceist go mbeadh ionadaíocht ag an Úcráin ag na cainteanna, beart a chuir imní ar phríomhchathracha na hEorpa atá ag éirí níos achrannaí leis na Stáit Aontaithe faoin gcogadh.
Níos luaithe an mhí seo bhuail cathaoirleach Bhord Muirí na Rúise, Nikolai Patrushev, ar comhairleoir sinsearach de chuid Putin é, lena chomhghleacaí Síneach chun plé a dhéanamh ar an bhféidearthacht go mbeidh a leithéid de chruinniú ann.