Bhí casadh gan choinne i mbabhta ceannais Eoraifís na nÓg Éireann oíche Dé Domhnaigh, nuair a fógraíodh go ndéanfadh beirt amhránaithe óga, Caleb Kirwan agus Naomi Gribben, ionadaíocht ar Éirinn ag Comórtas Amhránaíochta Junior Eurovision 2026 i Málta.
Bhí Caleb, atá 14 bliana d’aois agus arb as Baile na Lobhar i mBaile Átha Cliath é, agus Naomi, atá 13 bliana d’aois agus arb as Droichead Mhaigh Eo i gContae an Dúin í, ar an mbeirt iomaitheoirí deiridh a bhí fágtha ag deireadh chlár TG4 Dé Domhnaigh, an 4 Deireadh Fómhair.
Bhíothas ag súil go roghnódh na moltóirí duine amháin acu le dul ar aghaidh go dtí an comórtas idirnáisiúnta, ach baineadh siar as an lucht féachana nuair a shocraigh siad an bheirt a chur ar aghaidh. Canfaidh Caleb agus Naomi an t-amhrán Níos Láidre le chéile i Málta ar an 24 Deireadh Fómhair.