Tá dúshlán na BRICS don dollar agus do SAM ag dul i dtreis i ndiaidh cruinniú den ghrúpa san India an tseachtain seo caite, a raibh Uachtarán na Rúise, Vladimir Putin, Uachtarán na Síne, Xi Jinping, Príomh-aire na hIndia, Narendra Modi agus ceannairí tiortha eile i láthair.
Is grúpa é BRICS (ag an tús, an Bhrasaíl, an Rúis, an India, an tSín agus an Afraic Theas) a bhíonn ag iarraidh trádáil a dhéanamh gan bheith ag brath ar an dollar. In éineacht leo anois tá an Éigipt, an Aetóip, an Iaráin, an Araib Shádach. Aontas na nÉimíríochtaí Arabacha agus an Indinéis.
Tá na tíortha seo saor ó bhagairt smachtbhannaí Mheiriceá toisc nach mbíonn an dollar in úsáid acu dá dtrádáil eatarthu féin.
Tá beagnach leath de dhaonra an domhain agus thart ar 40 faoin gcéad den gheilleagar domhanda sna tíortha BRICS.