Tá daltaí 15 bliana d’aois i stát 26 contae na hÉireann sa chéad áit san Aontas Eorpach ó thaobh na léitheoireachta de, de réir mórstaidéar.
Bhain stát na 26 contae an tríú háit amach san eolaíocht agus an ceathrú háit sa mhatamaitic i measc 27 ballstát an AE sa Chlár Idirnáisiúnta um Measúnú Daltaí, nó PISA. Tomhaiseann an staidéar cumas daltaí sa léitheoireacht, sa mhatamaitic agus san eolaíocht. Déantar é gach ceithre bliana agus beidh an chéad bhabhta eile ann in 2029.
Bhí daltaí an stáit os cionn mheáin an AE agus na hEagraíochta um Chomhar agus Forbairt Eacnamaíochta sna trí réimse, chomh maith le réiteach fadhbanna ríomhaireachtúil. Mar sin féin, bhí a bhfeidhmíocht sa léitheoireacht agus sa mhatamaitic níos ísle ná i mbabhtaí roimhe seo.