Treiseacht Mheiriceá nó a mhalairt?
Tá an Áise Thiar fós ina cíor tuathail agus in achrann. Níl aon deireadh le feiceáil sa chogadh a d’fhear na Stáit Aontaithe agus Iosrael ar an Iaráin, ach amháin go bhfuil teipthe ar SAM, agus an stát mór impiriúlach sin lagaithe ar fud an domhain.
Is sa chomhthéacs sin a tháinig tri stát le chéile le Comhaontú Mheice (CM) a bhunú, aithris ar ECAT don Áise Thiar. Ach an mar an gcéanna é an comhaontú seo idir an Tuirc, an Araib Shádach agus an Phacastáin agus ECAT? An dtreisíonn sé tionchar Mheiriceá sa réigiún nó a mhalairt?
Tá sé i gceist leis an gcomhaontú seo, a deirtear, cumhacht na dtí náisiún a neartú i gcoinne aon ghníomh ionsaitheach. Gné thábhachtach den chomhaontú is ea teanga a shonraíonn go measfaí ionsaí armtha in aghaidh ceann amháin de na trí thír mar ionsaí orthu go léir, atá inchurtha le frásaíocht na comhshlándála in Airteagal 5 de Chairt ECAT.