Tá iarratais á lorg anois do Thaispeántas Eolaí Óg agus Teicneolaíochta Stripe 2027, agus daltaí meánscoile ó gach contae in Éirinn á spreagadh lena gcuid fiosrachta agus smaointe nuálacha a fhorbairt ina dtionscadail eolaíochta. Beidh an taispeántas ar siúl i gCumann Ríoga Bhaile Átha Cliath ón 6 go dtí an 9 Eanáir 2027.
Tá méadú suntasach sa tacaíocht airgeadais don chomórtas i mbliana. Beidh luach iomlán na nduaiseanna 25% níos airde ná mar a bhí roimhe, agus bronnfar breis agus 200 duais. Gheobhaidh an buaiteoir nó na buaiteoirí an teideal Eolaí Óg agus Teicneolaí Óg na Bliana Stripe, chomh maith le príomhdhuais €10,000.
Beidh deis ag na buaiteoirí ionadaíocht a dhéanamh ar Éirinn ag Comórtas an Aontais Eorpaigh d’Eolaithe Óga. Is féidir tionscadail a chur isteach i gcúig chatagóir: eolaíocht bhitheolaíoch agus éiceolaíoch; eolaíocht cheimiceach, fhisiceach agus mhatamaiticiúil; sláinte agus folláine; eolaíocht shóisialta agus iompraíochta; agus teicneolaíocht.