Tháinig 33,419 duine trí gheataí Pháirc an Chrócaigh Dé Domhnaigh – an slua is mó riamh ag cluichí ceannais camógaíochta na hÉireann – agus ba iad Corcaigh a chuir coróin ar lá stairiúil don spórt nuair a bhuaigh siad Corn Uí Dhufaigh den 31ú huair.
Bhí ar na Reibiliúnaigh troid go dtí an soicind deireanach chun Gaillimh a shárú – 2-14 in aghaidh 0-19 – agus an teideal sinsir a bhaint amach don tríú huair le ceithre bliana anuas.
Bhí Gaillimh – seaimpíní na bliana seo caite – chun tosaigh 0-9 in aghaidh 0-7 ag an sos agus ba chosúil go raibh taithí na gConnachtach ag déanamh na difríochta. Bhí Carrie Dolan, Niamh Niland agus Caoimhe Kelly i measc na n-imreoirí ba mhó a bhí ag cur isteach ar Chorcaigh.
Caithfidh tú a bheith logáilte isteach chun an t-ábhar seo go léir a fheiceáil. Logáil isteach le do thoil. Nach síntiúsóir tú? Bí linn!