Grianghraf: Pádraig de Burca
An tseachtain seo caite, thug scata Gael, nach raibh mórán taithí acu ar an bhfarraige, leo i gcuracha agus i naomhóga i mBá Átha Cliath. Le croí éadrom agus fonn fiosrachta, chuir siad a n-aghaidh ar na tonnta, ag iarraidh léargas nua a fháil ar an stair agus ar an dúlra trí mheán na bádóireachta traidisiúnta.
Ba le cabhair ó chiste spreagtha a tháinig Craobh na Coille, Conradh na Gaeilge, agus Cumann Currach Átha Cliath le chéile chun an ócáid shóisialta seo a eagrú ar inbhear na Tulcha. Ba é an sprioc a bhí acu ná taithí farraige le báid thraidisiúnta a fháil agus breathnú siar, le dearcadh úrnua, ar Chluain Tarbh, i bhfad ó ghnáthshuíomh na dturas coisithe.
Ag labhairt dóibh le An Páipéar, mhínigh Joe Monks agus Shane Ó Grugáin, ó Chraobh na Coille, gurb é príomhchuspóir an Ghael-Woodland Project ná talamh a cheannach a bheidh tiomnaithe don dúlra go buan. “Is é an fhís,” a dúirt siad, “ná pobail bhríomhara a chothú agus muid ag siúl an chosáin seo le chéile. Ba chéim thábhachtach an t-imeacht seo ar an mbá sa treo sin.” Is léir gur éirigh thar barr leis an iarracht, agus tá súil ag na heagraithe go leanfar den chomhoibriú sin amach anseo.
Rinne Molscéal taifead ar an ócáid agus beifear in ann an toradh a fheiceáil ar líne ar TG4 amach anseo.