Beidh Comhdháil na nGiúdach Frith-Shíónach ar siúl i dTamhlacht, Báile Átha Cliath ag an deireadh seachtaine, an 26 go dtí an 28 Meitheamh, agus deis a bheas inti do ghníomhaithe, acadóirí agus cainteoirí ó achan chúlra teacht le chéile agus plé a dhéanamh ar théamaí i gcomhthéacs na Palaistíne. Tá an comhdháil seo dírithe ar eagraíochtaí polaitiúla, sóisialta agus timpeallachta, gníomhaithe, mic léinn, na meáin agus daoine nach iad ach beidh sé oscailte do dhaoine ar bith a bhfuil suim acu sa Phalaistín, go háirithe an streachailt fá choinne cirt agus saoirse.
Bliain ó shin, bhuail níos mó ná míle duine le chéile i Vín, an Ostair, den chéad chomhdháil dá leithéid san Eoraip, agus chaith siad an deireadh seachtaine ag freastal ar chainteanna, ceardlanna agus pléphainéil. Labhair Sue Pentel, gníomhaí aitheanta ar son na Palaistíne i mBéal Feirste agus ball den choiste stiúrtha, le Raidió Fáilte ar na mallaibh faoin chomhdháil agus an sprioc atá acu.