Tá tuilleadh brú ar Mhicheál Martin mar cheannaire ar Fhianna Fáil, i bhfianaise na pobalbhreithe is deireanaí a foilsíodh sa Sunday Independent Dé Domhnaigh seo caite.
Ní hé go raibh aon rud nua ann, ach dheimhnigh sé treo ar ábhar buartha d’Fhianna Fáil é go bhfuil an páirtí sin ag dul síos go mall ach go cinnte agus go bhfuil Éire Neamhspleách ag éirí nós láidre ar vótaí a bhíodh ag Fianna Fáil roimhe.
Tá FF taobh thiar de Shinn Féin le hocht mí anois, ach tá na teachtaí tuaithe níos buartha faoin ardú ag Éire Neamhspleách ná dúshlán Shinn Féin.
Creideann na teachtaí sin nach bhfuil rialtas clé mealltach do mhóramh na vótaí faoin tuaith, ach má léiríonn Éire Neamhspleách gur rogha fhiúntach iad ar Fhianna Fáil tá na teachtaí buartha go bhféadfar go mbeadh a gcuid suíochán i mbaol dáiríre.