Anois go bhfuil torthaí na bhfothoghchán againn, céard iad impleachtaí na dtorthaí sin, ar na páirtithe ar éirigh leo agus orthu siúd nár éirigh. Agus cén chomhartha a thugann na torthaí ar thodhchaí na polaitíochta, má thugann.
Beidh ríméad cinnte ar na Daonlathaithe Sóisialta, cé go rabhthas ag tuar roimh ré gur acusan a bhí an seans ba mhó. Bhí caint amaideach sna meáin gur chóir do Shinn Féin an suíochán a bhaint os iad an páirtí is láidre sa dáilcheantar agus ós dáilcheantar cheannaire Shinn Féin, Mary Lou McDonald, atá ann.
Ach bheadh aistrithe ag teastáil ó na páirtithe eile, agus ba léir go rachadh níos mó aistrithe i dtreo na Sóisialaithe Daonlathacha ná a rachadh go Sinn Féin.
Sin mar a thit sé amach. Go deimhin thug Páirtí an Lucht Oibre níos mó aistrithe go Fine Gael ná mar a thug do Shinn Féin.