An chopail
Seo samplaí den chopail i gcaint indíreach san aimsir láithreach:
| Caint dhíreach | Caint indíreach |
| ‘Is carr costasach é’ | Deir Pól gur carr costasach é |
| ‘Ní carr costasach é’ | Deir Úna nach carr costasach é |
| ‘Is breá liom peil’ | Deir Fionnuala gur maith léi peil |
| ‘Ní maith liom sacar’ | Deir sí nach maith léi sacar |
| ‘Is áit chiúin é’ | Síleann sí gur áit chiúin é (gur roimh ainmfhocal) |
| ‘Ní áit chiúin é’ | Deir seiseann nach áit chiúin é |
| ‘Is iontach an smaoineamh é’ | Ceapaim gurb iontach an smaoineamh é(gurb roimh aidiacht) |
| ‘Ní iontach an smaoineamh é’ | Dúirt siad nach iontach an smaoineamh é |
Seo samplaí den chopail i gcaint indíreach san aimsir chaite:
| Caint dhíreach | Caint indíreach |
| ‘Ba charr costasach é’ | Dúirt Pól gur charr costasach é |
| ‘Níor charr costasach é’ | Dúirt Úna nár charr costasach é |
| ‘Ba bhreá liom peil’ | Dúirt Fionnuala gur bhreá léi peil |
| ‘Níor mhaith liom sacar’ | Dúirt sí nár bhreá léi sacar |
| ‘B’éigean dom dul | Dúirt sé gurbh éigean dó dul |
| ‘Níorbh éigean duit fanacht’ | Dúirt sí nárbh éigean dó fanacht |
| ‘B’fhearr duit filleadh’ | Dúirt sí gurbh fhearr dó filleadh |
| ‘Níorbh fhearr dom filleadh’ | Dúirt sé nárbh fhearr dó filleadh |
Críochnaigh na habairtí seo a leanas:
- Is maith liom úlla ach is fearr liom oráistí – Deir Pól ___________________________
- Is múinteoir maith é Pól – Deir Síle ____________________________________
- Is cathair mhór í Baile Átha Cliath – Deir an turasóir ___________________________
- Is cuimhin leis an chéad léácht – Deir an mac léinn __________________________
- Ní féidir liom dul chuig an gcóisir – Ceapann Úna _____________________________
- B’iontach an scannán é – Dúirt Seán ___________________________
- B’amhránaí den scoth í – Dúirt an tuairisceoir ______________________
- Ba cheannaire ceannródaíoch é – Scríobh údar an leabhair ___________________
- Ba bhreá liom an geimhreadh nuair a bhí mé óg – Dúirt sé _____________________