Caint indíreach san aimsir chaite
Nuair a úsáidtear briathar san aimsir chaite chun caint dhíreach a dhéanamh indíreach athraíonn an aimsir láithreach san abairt go dtí an aimsir chaite, agus athraíonn an aimsir fháistineach go dtí an modh coinníollach. Ní athraíonn an aimsir chaite ná an modh coinníollach. Féach na samplaí seo a leanas:
| Caint dhíreach | Caint indíreach | |
| Aimsir láithreach go haimsir chaite | ‘Tá Síle ag teacht’ | Dúirt Pól go raibh Síle ag teacht |
| Aimsir fháistineach go modh coinníollach | ‘Beidh mé ag an gcluiche’ | Dúirt Pól go mbeadh sé ag an gcluiche |
| Aimisir fháistineach go modh coinníollach | ‘Ní bheidh mé ag an gcluiche’ | Dúirt Pól nach mbeadh sé ag an gcluiche |
| Aimsir chaite, gan athrú | ‘Chonaic mé an scannán’ | Dúirt Pól go bhfaca sé an scannán |
| Aimsir chaite, gan athrú | ‘Ní fhaca Éamonn an scannán’ | Dúirt Pól nach bhfaca Éamonn an scannán |
| Modh coinníollach, gan athrú | ‘Rachainn dá mbeadh an t-airgead agam’ | Dúirt Pól go rachadh sé dá mbeadh an t-airgead aige |
| Modh coinníollach, gan athrú | ‘Ní rachainn dá ndéarfá liom’ | Dúirt Pól nach rachadh sé dá ndéarfá leis. |
Críochnaigh na habairtí seo a leanas:
- ‘Thóg mé an leabhar abhaile’ – Dúirt Sinéad __________________________________
- ‘Tiocfaidh mé abhaile amárach’ – Dúirt Peadar _____________________________
- ‘Ní fheicim iad’ – Dúirt Fionnuala _______________________________
- ‘Buailfidh mé léi sa phictiúrlann – Dúirt Pól _________________________
- ‘Ní bheidh an siopa ar oscailt’ – Dúirt an búistéir _____________________
- ‘Cheannóinn teach dá mbeadh an t-airgead agam’ – Dúirt Máire ______________________
- ‘Ní thitfidh praghas na hola go luath’ – Léigh mé in An Páipéar ___________________
- ‘Táim ag iarraidh dul abhaile’ – Dúirt an scoláire _____________________
- ‘Ní bheidh mé istigh amárach’ – Dúirt an príomhoide _____________________
- ‘Tá mé tinn tuirseach den amaidí seo’ – Dúirt Mamaí _____________________
- ‘Scríobhfaidh mé mír ghramadaí eile’ – Gheall mé don eagarthóir __________________