Tá Coimisiún na Meán á cháineadh mar gheall ar an airgead a thug siad le cabhrú leis an scannán Kneecap a dhéanamh, ach dúirt an Coimisinéir um Fhorbairt na Meán, Rónán Ó Domhnaill, go bhfuil sé sásta go ndearna siad an rud ceart nuair a thug siad beagnach leath milliúin euro do lucht an scannáin.
Bhí an triúr rapcheóltóirí as Béal Feirste ag seinm ag féile cheoil Glastonbury, in iardheisceart Shasana, in ainneoin iarracht phríomhaire na Ríochta Aontaithe, Keir Starmer, bac a chur orthu a bheith ag seinm ag an bhféile toisc iad a bheith ‘mí-oiriúnach’.
Sin mar gheall ar an gcás cúirte ata ar siúl iu gcoinne Liam Óig Uí Annaidh, nó Mo Chara, agus é curtha ina leith gur léirigh sé tacaíocht do Hamas, in aghaidh dhlí frithsceimhlitheoireachta Shasana.
Ach sheas Ó Domhnaill le cinneadh an Choimisiúin €495,000 a thabhairt do lucht déanta an scannáin, ag rá go raibh sé ‘an-sásta tacú leis an tionscadal féin – bhí sé an-rathúil’.