Táthar ag iarraidh go n-aithneofaí leabharlanna poiblí mar sheirbhísí bunriachtanacha ar fud na hEorpa agus go gcuirfí tuilleadh infheistíochta ar fáil dóibh, agus tuarascáil nua á seoladh ag comhdháil idirnáisiúnta i gColáiste na Tríonóide, Baile Átha Cliath, inar leagadh béim ar an ról atá acu i ngleic le dúshláin oideachais, shóisialta agus dhigiteacha.
Tháinig ceannairí leabharlainne ó Éirinn agus ó thíortha Eorpacha eile le chéile don chomhdháil, a reáchtáladh mar chuid d’Uachtaránacht an Aontais Eorpaigh.
Seoladh an tuarascáil An Eoraip a Neartú trí Leabharlanna Poiblí, a d’ullmhaigh grúpa saineolaithe Eorpacha le dhá bhliain anuas faoi chomhchathaoirleacht na hÉireann.
Tá thart ar 67,000 leabharlann phoiblí ar fud na hEorpa agus tugtar 757 milliún cuairt orthu gach bliain.