Níl na hainmfhocail neamhrialta i gceann ar bith de na diochlaontaí.
Tréaniolraí
| Ainmneach uathu | Ginideach uathu | Ainmneach agus ginideach iolra |
| deirfiúr | deirféar | deirfiúracha |
| deoch | dí | deochanna |
| dia | dé | déithe |
| lá | lae | laethanta |
| leaba | leapa | leapacha |
| talamh | talaimh (firinscneach) talún (baininscneach) | tailte |
| teach | tí | tithe |
| bean | mná | mná, ginideach iolra ban |
| olann | olla | olanna ginideach iolra olann |
Tabhair faoi deara:
Is ainmfhocal firinscneach é talamh san ainmneach uathu: talamh tirim, talamh maith, ar thalamh slán, talamh sléibhe, talamh créafóige. Ach sa tuiseal ginideach tá foirm fhirinscneach agus foirm bhainiscneach aige: úinéir an talaimh, úinéir na talún. Úsáidtear an dá leagan.
Tabhair faoi deara:
an bhean, tá gluaisteán ag an mbean sin
gluaisteán na mná, sin gluaisteán na mná sin, an ghluaisteán atá ag an mbean
na mná, tá gluaisteáin ag na mná sin
gluaisteáin na mban, sin iad na gluaisteáin atá ag na mná sin.
Úsáid an t-eolas agus an tábla thuas, agus an bunachar gramadaí ag https://www.teanglann.ie/ga/gram, chun na bearnaí seo thíos a líonadh:
Samplaí:
An deirfiúr – Sin teach na deirféar.
Na deochanna – An bhfaca tú praghas ndeochanna?
An leaba – Ag cóiriú na leapa.
- Na deirfiúracha – Tá seomra _______________ thuas staighre.
- Na tithe – Cad atá ar chúl __________________ sin?
- An lá – Beidh cóisir ann ag deireadh ______________.
- An bhean – Tá mac _____________ saibhre ag dul chun na hollscoile.
- Olann – Is maith liom geansaí ____________ a chaitheamh sa gheimhreadh.
- Deoch – Cén cineál _____________ is fearr leat a ól?
- Na déithe – is maith liom scéalta _____________ Gréagacha a léamh.
- Na mná – Bhí Cumann ____________ an-ghníomhach i gCogadh na Saoirse.
- An teach – Bhí boladh deas bácála ar fud ______________.
Freagraí…
- Na deirfiúracha – Tá seomra na ndeirfiúracha thuas staighre.
- Na tithe – Cad atá ar chúl na dtithe sin?
- An lá – Beidh cóisir ann ag deireadh an lae.
- An bhean – Tá mac na mná saibhre ag dul chun na hollscoile.
- Olann – Is maith liom geansaí olla a chaitheamh sa gheimhreadh.
- Deoch – Cén cineál dí is fearr leat a ól?
- Na déithe – is maith liom scéalta na ndéithe Gréagacha a léamh.
- Na mná – Bhí Cumann na mBan an-ghníomhach i gCogadh na Saoirse.
- An teach – Bhí boladh deas bácála ar fud an tí.