Tá na hamhráin ciúnaithe, na comórtais thart agus na sluaite imithe abhaile, ach mairfidh cuimhní Oireachtas na Samhna 2026 i bhfad i ndiaidh do na soilse dul as i gCill Airne. Ba sheachtain í a léirigh arís eile nach bhfuil a shárú le fáil ar fhéile an Oireachtais ó thaobh ceiliúradh na Gaeilge, an cheoil, na hamhránaíochta agus, thar aon ní eile, an chairdis.
Ó na chéad chomhráite maidine go dtí na seisiúin cheoil a mhair go lár na hoíche, bhí fuinneamh ar leith le brath ar fud na féile. Bhí idir sheanchairde agus daoine ag freastal ar an Oireachtas den chéad uair ag meascadh lena chéile, agus Gaeilge le cloisteáil i ngach cúinne.
Ba mhór an ócáid í oscailt oifigiúil na féile ag Uachtarán na hÉireann, Catherine Connolly, agus ba léiriú suntasach a láithreacht ar an áit lárnach atá ag an Oireachtas i saol cultúrtha na tíre.