Cluiche Idirnáisiúnta Camanachd/Camogaíochta
Éire 9-11 (38)
Albain 1-03 (6)
Bhí Aimie Nolan ar bharr a cumais agus ceithre chúl agus trí chúilín aici agus foireann camógaíochta na hÉireann ag fáil bua cuimsitheach ar Albain sa chluiche idirnáisiúnta camógaíochta agus camánachta i bPáirc Uí Chaoimh Dé Sathairn.
Bhí captaen na hÉireann, Ashling Thompson, thar a bheith sásta leis an mbua agus leis an deis a tugadh d’imreoirí ó chontaetha éagsúla geansaí na tíre a chaitheamh.
“Bhíomar an-dlúth mar ghrúpa i mbliana. Bhí go leor aghaidheanna aitheanta ón mbliain seo caite ann, rud a bhí go hálainn,” a dúirt Thompson.
“Bhí sé iontach cailíní ó gach cearn den tír a fheiceáil ag déanamh ionadaíochta ar a gcontaetha, ó gach grád, agus d’fhéadfá an tallann atá ar fud na tíre a fheiceáil.