Tá an Teachta Dála neamhspleách Michael Healy-Rae ar ais sa bhaile i gCill Gharbháin, Contae Chiarraí, tar éis dó gortuithe a fhulaingt in ionsaí i lár Bhaile Átha Cliath tráthnóna Dé Céadaoin.
Dúirt a theaghlach go gcaithfidh sé na laethanta amach romhainn ag ligean a scíthe agus é ag teacht chuige féin. Scaoileadh amach as Ospidéal Ollscoile Naomh Uinseann é díreach roimh 9 pm oíche Dé Céadaoin. Bhí greamanna de dhíth air mar gheall ar chréacht a bhain dá cheann.
Tharla an t-ionsaí go gairid tar éis 4 pm ar Shráid Chorcaí, nuair a bhí carr an Teachta Dála ó Chiarraí stoptha sa trácht. D’ionsaigh fear aonair é agus é ina shuí sa charr. Bhí an t-iar-aire stáit i dTeach Laighean níos luaithe sa lá agus bhí sé ar a bhealach abhaile nuair a tharla an eachtra.