Mar gheall ar chinedhíothú Iosrael ar na Palaistínigh tá go leor Éireannach ar son baghcat a dhéanamh ar fhoireann sacair Iosrael agus CLG a dhífheistiú ó cheann dá phríomh-mhaoinitheoirí, an comhlacht árachais Allianz.
Tagann sé seo ag am ina bhfuil 74,000 duine ar a laghad maraithe sa Phalaistín ón 7 Deireadh Fómhair 2023 ag fórsaí armtha Iosrael, agus beagnach 3,500 sa Liobáin ón 2 Márta amháin trí fheachtais bhuamála agus sliogáin dírithe ar cheantair chónaithe, ospidéil, seirbhísí paraimhíochaine, ollscoileanna, scoileanna chomh maith le Gaza faoi bhac ar leigheas, ábhar tithíochta, breosla, trealamh leighis agus glanadh smionagar, agus gan ach braon beag bia ceadaithe dul isteach sa limistéar faoi léigear.
B’fhéidir go bhfuil íoróin san fhíric gur infheisteoir mór anois sa chomhlacht arm Iosraelach Elbit Systems an comhlacht Allianz, a lean ar aghaidh ag feidhmiú faoi na Naitsithe agus a chuir clúdach árachais ar fáil do ghnéithe áirithe de champaí báis na Naitsithe do Ghiúdaigh agus do dhaoine eile. Líomhnaíodh i dtuarascáil de chuid na Náisiún Aontaithe in 2025 agus i bhfiosrúcháin ag Profundo go bhfuil na billiúin in infheistíochtaí agus i mbannaí cogaidh i Stát Iosrael féin ag fochuideachta bainistíochta sócmhainní Allianz sna Stáit Aontaithe, PIMCO.