Tá Údarás na Gaeltachta tar éis próiseas comhairliúcháin phoiblí a sheoladh chun cabhrú lena phlean straitéiseach nua don tréimhse 2026-2030 a mhúnlú, agus tá siad ag iarraidh ar phobail na Gaeltachta agus ar an bpobal i gcoitinne páirt ghníomhach a ghlacadh ann.
Trí shuirbhé poiblí ar líne tá an t-údarás ag lorg freagraí ar cheisteanna lárnacha a bhaineann le todhchaí na Gaeltachta, lena n-áirítear cad iad na príomhthosaíochtaí ar cheart díriú orthu sna blianta amach romhainn, cén obair is tábhachtaí atá ar bun ag Údarás na Gaeltachta faoi láthair, agus cad iad na dúshláin is mó atá roimh phobail Ghaeltachta sna cúig bliana atá amach romhainn.
I measc na réimsí atá faoi chaibidil tá fás agus forbairt eacnamaíoch, cineálacha fostaíochta agus gnó a d’fhéadfadh fás inbhuanaithe a chruthú, chomh maith leis na bealaí is fearr chun an Ghaeilge a neartú mar theanga laethúil sa Ghaeltacht.
Tá sé mar aidhm ag Údarás na Gaeltachta tuairimí éagsúla a bhailiú chun ról na heagraíochta a threisiú maidir le dul i ngleic leis na mórdhúshláin shóisialta, teanga agus eacnamaíochta atá roimh cheantair Ghaeltachta.
Beidh an suirbhé ar fáil go dtí an 22 Bealtaine 2026, agus tá Údarás na Gaeltachta ag impí ar dhaoine a nguth a chur san áireamh sa phróiseas tábhachtach seo trí pháirt a ghlacadh. Tá an suirbhé ar fáil ar líne anois ag https://wfgzz6.short.gy/lthbaile.