Tá fearg ag dul i méad ag áitritheoirí ar fud Bhaile Átha Cliath mar gheall ar an gcaoi go bhfuil an chomhairle ag cur iachall orthu gléasanna luchtaithe a bhaint ón mbóthar poiblí i ndiaidh dóibh na céadta euro a chaitheamh á gcur i bhfeidhm.
Tá feachtas ag an Roinn Iompair ag iarraidh ar dhaoine carranna leictreacha a cheanach mar chuid den iarracht úsáid breosla iontaise a laghdú.
Mar thoradh ar an bhfeachtas tá na mílte i ndiaidh carranna leictreacha a cheannach. Ach mura bhfuil cabhsa príobháideach acu, agus má tá orthu a gcuid carranna a pháirceáil ar an mbóthar poiblí, tá fadhb acu na carranna a athluchtú.
Chuir roinnt áitritheoirí gléasanna luchtaithe i bhfeidhm, ag baint leas as an gcosán taobh leis an mbóthar poiblí, ach, ain ainneoin fheachtas an rialtais i bhfabhar carranna leictreacha tá Comhairle Cathrach Bhaile Átha Cliath ag rá go bhfuil cead pleanála ag teastail agus tá an Chomhairle ag diultú an cead sin a thabhairt.