Réamhfhocail éagsúla eile
| fúm | uaim | romham | díom |
| fút | uait | romhat | díot |
| faoi, fúithi | uaidh, uaithi | roimhe, roimpi | de, di |
| fúinn | uainn | romhainn | dínn |
| fúibh | uaibh | romhaibh | díbh |
| fúthu | uathu | rompu | díobh |
Roinnt frásaí leis na réamhfhocail seo:
| Ná bíodh eagla ort romham | Tá cabhair uainn |
| Tá fáilte romhat | Glac seo uaim |
| Cad a dúirt tú faoi? | Nílimid ag caint fúibh |
| Tá sé ag magadh fúthu | Fiafraigh di an bhfuil sí ag teacht. |
| An dteastaíonn airgead uaibh | Ná bí ag labhairt fúithi |
Samplaí de réamhfhocail éagsúla seo leis an alt:
An córas lárnach
- faoin bhfuinneog bheag
- ón mbaile beag
- roimh an gcéilí mór
- tóg den urlár salach é
- cuir fáilte roimh an sagart
- ag magadh faoin mbuachaill soineanta
Córas an tséimhithe (Gaeilge Uladh)
- faoin fhuinneog bheag
- ón bhaile bheag
- roimh an chéilí mhór
- tóg den urlár shalach é
- cuir fáilte roimh an tsagart
- ag magadh faoin bhuachaill shoineanta
Líon na bearnaí sna habairtí seo:
- Bhí eagla _____ Phádraig _________ an madra.
- D’fhiafraigh mé ______ m’athair an mbeadh an dinnéar réidh _______ an scannán.
- D’iarr mé ar mo mháthair airgead a thabhairt ______ mar bhí lón ag teastáil _______.
- Chuala mé an príomhoide ag caint _______ ar an bhfón le mo mháthair agus bhí imní ________.
- Bhí orthu siúl tríd an reilig san oíche agus bhí eagla an domhain _______.
- Fiafraigh _______ an mbeidh sí sásta dul chuig an gcéilí leat.
- Bhí náire an domhain air mar bhí gach duine ag caint ________.
- Nuair a chuala mé an drochscéal bhí brón ________.
- Nuair a tháinig an fhoireann bhuacach abhaile chuir an slua fáilte ________.
- Ná bíodh eagla ort _________. Níl ann ach madra beag.