Tá an tAire Oideachais faoi bhrú agus ceisteanna á bhfreagairt aige faoina juncaed go hIosrael
Is é Paul Givan an scéal is mó sna sé chontae an tseachtain seo. Ní mar gheall ar aon chinneadh a ghlac sé faoin oideachas, nó aon rud a rinne sé sna sé chontae. Tá sé i mbéal an phobail mar gheall ar a thuras go hIosrael.
Dúirt an tAire Oideachas go raibh sé ar shiúl go hIosrael ar chuairt bailithe eolais leis an fheisire parlaiminte de chuid an Pháirtí Aontachtaigh Dhaonláthaigh (PAD) Sammy Wilson, Steve Aiken ó Pháirtí Aontachtach Uladh (PAU), agus comhairleoir de chuid Ghlór Traidisiúnta na nAontachtaithe (GTA) Ron McDowell.
Cé go raibh déistin i measc an phobail nuair a fógraíodh an turas, chuir an Roinn Oideachais postáil in airde ar shuíomh na roinne i ndiaidh do Givan cuairt a thabhairt ar Scoil Ofek. Tá Scoil Ofek lonnaithe in oirthear Iarúsailéim i gcríocha atá faoi sheilbh go mídhleathach ag Iosrael. Ní aithníonn rialtas na Ríochta Aontaithe ná Rialtas na hÉireann na críocha sin.