Tá na chéad chéimeanna glactha ag Ollscoil Uladh chun tús a chur le hobair ar champas Mhig Aoidh don ionad úr
Fógraíodh gur chuir Ollscoil Uladh isteach ar chead pleanála dá nIonad úr teagaisc agus mac léinn ag campas Choláiste Mhig Aoidh.
Beidh an foirgneamh lonnaithe ar Bhóthar an Fhearainn Thuaidh ar an champas reatha taobh thiar den leabharlann.
Chuir na dearthóirí McAdam Design ráiteas dearaidh leis an iarratas ag rá go bhfuil sé mar sprioc ag an ionad úr chun cur le háiseanna oideachais agus cur le taithí an mhic léinn.
Tháinig an t-airgead don tionscadal ó Rialtas na hÉireann as Aonad an Oileáin Chomhroinnte agus fógraíodh é i Meitheamh 2023. Dúirt an Taoiseach ag an am, Leo Varadkar, gur léirigh an infheistíocht mórathrú maidir le hardoideachas san iarthuaisceart. Dúirt sé go gcuideoidh sé oideachas a athrú ó bhonn sa réigiún, poist úra a chruthú agus an geilleagar a fhorbairt sa mheántéarma.