Tá an réimeas míleata i Mailí tar éis páirtithe polaitiúla na tíre a lánscor. Dúradh i bhforógra uachtaránachta a léadh amach ar an mbealach teilifíse stáit le linn na seachtaine, “go ndéanfar cruinnithe de páirtithe polaitiúla agus eagraíochtaí polaitiúla ar fud na gcríoch náisiúnta ar fad a lánscor”.
Shínigh an ceannaire míleata Assimi Goïta, a tháinig i gcumhacht i ndiaidh coup in 2020 agus 2021, an forógra. Is cosúil go ndiúltóidh na páirtithe polaitiúla, a dteastaíonn uathu filleadh ar an status quo daonlathach a bhí ann roimh an coup míleata, leis an bhforógra.
An tseachtain seo caite, le linn agóid “ar son an daonlathais”, ghabh fir armtha beirt cheannairí de chuid an fhreasúra. Níl na húdaráis tar éis trácht ar na fir a gabhadh go fóill.