Craolfar an clár faisnéise An Grá Ciúin den chéad uair ar an teilifís ar TG4 Dé Sathairn, 26 Meán Fómhair, ag 9.30pm. Leanann an scannán 94 nóiméad scéalta grá triúr lánúineacha Bodhra agus tá gradaim bainte amach aige ag féilte scannán ar fud an domhain.
Tá John agus Agnes le chéile le blianta fada, cé gur chuir deighiltí Caitliceacha agus Protastúnacha le linn na dTrioblóidí bac ar a gcaidreamh. Tugann an scannán léargas freisin ar Kathy agus Michelle, lánúin den ghnéas céanna as Corcaigh agus Béal Feirste atá ag tógáil clainne ina bhfuil páistí bodhra agus páistí a chloiseann. Is iad Seán, dornálaí bodhar as Baile Átha Cliath, agus a pháirtí Deyanna an tríú lánúin; tá cinneadh mór rompu a rachaidh i bhfeidhm ar a saol.
Is é An Grá Ciúin an chéad ghnéscannán Éireannach i dTeanga Chomharthaíochta na hÉireann. Úsáidtear Teanga Chomharthaíochta na Breataine ann freisin. Bhí 28 ball den phobal Bodhar fostaithe i róil éagsúla taobh thiar den cheamara, agus rinne foireann bhodhar agus éisteachta an scannán le chéile.