D’fhoilsigh an Coimisiún Meabhair-Shláinte (MHC) deich dtuarascáil chigireachta nua ar ionaid cheadaithe mheabhairshláinte d’othair chónaithe i gcontaetha an Chláir, na Gaillimhe, Chiarraí agus Bhaile Átha Cliath, agus léiríonn siad leibhéil éagsúla comhlíonta leis na Rialacha, leis na Rialacháin agus leis na Cóid Chleachtais.
I gcúig cinn de na hionaid baineadh amach comhlíonadh iomlán 100% sna cigireachtaí. Ina measc bhí Deer Lodge i gContae Chiarraí, Lois Bridges i mBaile Átha Cliath 13, an National Eating Disorders Recovery Centre i mBaile Átha Cliath 4, Ospidéal Ollscoile Naomh Pádraig i mBaile Átha Cliath 8 agus Aonad Ógánach Willow Grove i mBaile Átha Cliath 8. Bhain Creagh Suite ar Champas Cúram Sláinte Naomh Bríd i gContae na Gaillimhe 97% amach, agus fuair Barda Naomh Aloysius in Ospidéal Ollscoile Mater Misericordiae 88%.
Bhí trí ionad eile idir 70% agus 80% ó thaobh comhlíonta de. Fuair an tAonad Géarshíciatrach in Ospidéal Inse 74%, an Ashlin Centre i mBaile Átha Cliath 73%, agus The Ginesa Centre in Ospidéal Ollscoile Naomh Eoin Dé 71%.