Bhain Gaoth Dobhair a gcéad chraobh shinsearach ag Comórtas Peile na Gaeltachta ó 2013 nuair a sháraigh siad Bhulf Tón na Mí i gcluiche ceannais dian i dTamhnaigh, agus chríochnaigh foirne Dhún na nGall deireadh seachtaine den scoth leis na cúig chraobh Ghaeltachta ar fad.
Bhí Bhulf Tón ag iarraidh an ceathrú craobh dóibh a bhuachan laistigh de shé bliana agus thug siad dúshlán láidir don fhoireann as Gaeltacht Dhún na nGall. Mar sin féin, ba iad fir Ghaoth Dobhair a léirigh an fuinneamh agus an cruinneas ba mhó sna nóiméid ba thábhachtaí den chluiche.
Ba iad fir na Mí a thosaigh níos fearr. Fuair Saran Ó Fionnagain cúilín luath sular chuir sé dhá chic thar an trasnán fiche soicind níos déanaí chun tús foirfe a thabhairt dá fhoireann. Níor lig Gaoth Dobhair dóibh imeacht rófhada chun cinn, áfach, agus d’fhreagair Ethan Ó hÉarcáin le cic saor sular laghdaigh Éamonn Ó Coilm an bhearna.