Ding dong dederó, buail sin, séid seo! Ding dong dederó, buail sin, séid seo! Ding dong dederó, buail sin, séid seo! D’imigh mo bhean leis an táilliúir aerach.
Ní maith a ním féin tua ná corrán, Ní maith a ním féin rámhán ná sleán, Ó d'imigh uaim mo stuaire mná Le gaige trua gan bhuar, gan sparán.
A bhean úd thíos an bhrollaigh ghléigil, B'fhearr duit filleadh is na boilg a shéideadh Ná do ghabha maith féin go bráth a thréigean Is triall leis an táilliúir ar fud na hÉireann.
Cá bhfuil mo bhuachaill? Buail sin, séid seo! Cá bhfuil mo neart, is snas mo cheirde? Cá bhfuil mo radharc? Tá an adharc ar m'éadan Ó d'éalaigh mo bhean leis an táilliúir aerach.
Ding dong dederó, buail sin, séid seo! Ding dong dederó, buail sin, séid seo! D'imigh mo bhean leis an táilliúir aerach. Is ní thabharfaidh. mo chosa mé ar sodar fad téide.
