Ar
| orm | orainn |
| ort | oraibh |
| air, uirthi | orthu |
Is féidir ar a úsáid chun mothúchán nó tinneas a chur in iúl.
- Tá tinneas cinn orm
- Tá tuirse ar an múinteoir
- Tá áthas uirthi
- Tá slaghdán ar an mbean
- Tá díomá ar mo mháthair
- Tá fearg ar an ngarda
- Tá imní orainn faoin gcostas
- Tá áthas orthu go bhfuil tú i láthair
Úsáidtear ar tar éis roinnt briathra.
- Ar fhreastail tú ar an rang?
- Níor chuimhnigh mé ar a bhreithlá
- Roinn na milseáin ar na páistí
- Féach ar an scannán
- Ná bí ag breathnú ar an teilifís anois
- Níor rug sé ar an liathróid
- Cheannaíomar an teach ar dhá chéad míle punt
- Theip uirthi sa scrúdú
- Glaoigh ar do mhamó mar beidh sí ag smaoineamh ort
- Lig sé air féin go raibh sé ina chodladh
- Ní dhéanfaidh mé dearmad
Cuimhnigh, cé go gcuireann ar séimhiú ar chonsan más féidir de ghnáth, ní bhíonn séimhiú i gceist i bhfrásaí mar iad seo a leanas a chuireann staid in iúl:
- ar bordar farraige
- ar muir
- ar tír
- ar meisce
- ar buile
- ar crith
- ar deireadh
- ar díol
- ar ball
- ar maidin
Ach ar shiúl (imithe) ar fheabhas
Líon na bearnaí sna habairtí seo:
- D’ith sé an iomarca milseán agus tá tinneas fiacla _______.
- Cé gur fhreastail sé _____ na ranganna go léir ní dhearna sé go leor staidéir agus theip _____ sna scrúduithe.
- Bhí brón _____ nuair a chualamar an drochscéal.
- Is minic tinneas a bheith _____ dhaoine agus iad _____ muir.
- Bhí imní ar mo thuismitheoirí nuair nár chuir mé glao _____.
- Sula ndeachaigh Pól amach aréir d’iarr mé _____ gan an iomarca a ól.
- D’ól sé barraíocht agus bhí sé ____ meisce. Tá póit ____ inniu. Tá fearg ____!