Tuairiscitear go bhfuil an Rúis i ndiaidh tancaer ola a sheoladh go Cúba ag tabhairt dúshlán díreach d’iarracht Donald Trump, Uachtaran Mheiriceá, bac amach is amach a chur ar ola ag dul isteach san oileán Cairibeach.
Thug Trump rabhadh go bhféadfadh Stáit Aontaithe Mheiriceá taraifí pionósacha a ghearradh ar aon tír a thabharfaidh cúnamh do Chúba.
Léiríonn cinneadh seo na Rúise nach bhfeiceann Putin mórán maith i maíomh Trump go bhfuil sé ag iarraidh deireadh a chur le cogadh na hÚcráine. Léiríonn sé go gcreideann na Rúisigh gur mó caint ná brú ar an Úcráin atá ann i ndairíre.
Mar sin tá an Rúis ag daingniú a gcuid comhghuailliochta le tíortha ar nós Chúba agus na hIaráine. Bhí comhchleachtaí cabhlaigh ag an Rúis agus an Iaráin le deireannas freisin, beart eile a thugann dúshlán do Trump.