Tugann Músaem Cathrach na Gaillimhe cuireadh do scoileanna, do ghrúpaí pobail agus do chuairteoirí de gach aois teacht le chéile agus an Ghaeilge, litríocht agus ceol traidisiúnta a cheiliúradh i mí an Mhárta mar chuid de Sheachtain na Gaeilge 2026.
Ó Dé Máirt an 3 Márta go dtí Dé hAoine an 6 Márta 2026, cuirfidh an Músaem sraith turas treoraithe trí Ghaeilge agus go dátheangach ar fáil saor in aisce, chomh maith le himeachtaí speisialta poiblí ina leagfar béim ar shaol agus ar oidhreacht an scríbhneora iomráitigh as Gaillimh, Pádraic Ó Conaire, agus ar bheocht bhuan cheol traidisiúnta na hÉireann.
Turais Treoraithe trí Ghaeilge
3-6 Márta 2026
Mar chuid den fhéile náisiúnta Ghaeilge, tugtar cuireadh do scoileanna agus do ghrúpaí sainspéise breathnú thart ar dhánlanna an Mhúsaeim trí Ghaeilge.
Is é MacDara Ó Conaola, amhránaí agus taibheoir as Inis Oírr ó dhúchas a bheidh i gceannas na dturas.
Feicfidh cuairteoirí rudaí agus scéalta a bhaineann leis an nGaeilge, chomh maith leis an dealbh aitheanta de Phádraic Ó Conaire a dhealbhaigh Albert Power, sin-seanathair MhicDara, agus a bhfuil áit bhuan aige sa Mhúsaem anois.
Sceideal na dTuras:
Tá Sliotán 1 ag 10:15am in áirithe do ghrúpaí bunscoile, iar-bhunscoile agus tríú leibhéal. Tá Sliotán 2 ag 11:30am in áirithe do ghrúpaí bunscoile, iar-bhunscoile agus tríú leibhéal. Tá Sliotán 3 ag 1:30pm in áirithe do ghrúpaí oideachais agus do ghrúpaí eile a bhfuil suim acu ann.
Is turais saor in aisce iad. Ní mór iad a chur in áirithe roimh ré ag
Museum@GalwayCity.ie / (091) 532460.
Agus áit á cur in áirithe, iarrtar ar ghrúpaí a leibhéal Gaeilge a chur in iúl agus cé acu is fearr leo: turas lán-Ghaeilge nó turas dátheangach (Gaeilge/Béarla).
Léamha Dátheangacha: Scothscéalta le Pádraic Ó Conaire
7 Márta 2026 | 2:00pm–3:30pm
Chun Seachtain na Gaeilge 2026 a cheiliúradh a thuilleadh, cuirfidh an t-aisteoir, scríbhneoir agus scéalaí mór le rá Diarmuid de Faoite clár speisialta de léamha dátheangacha i láthair ó shaothair Phádraic Uí Chonaire.
Ag athrú gan stró ón Ghaeilge go Béarla, cuirfidh de Faoite brí agus anam i scríbhneoireacht Uí Chonaire, ag ceiliúradh duine de na daoine liteartha nua-aimseartha is tábhachtaí in Éirinn.
Rugadh Ó Conaire i nGaillimh sa mbliain 1882 agus thosaigh sé ag scríobh i nGaeilge nuair a bhí sé ag obair ina státseirbhíseach i Londain, tar éis dó ballraíocht a ghlacadh i gConradh na Gaeilge. Sna blianta ina dhiaidh sin, bhí sé ina mháistir ar an ngearrscéal agus ina dhuine mór le rá in Athbheochan na Gaeilge. Nochtadh dealbh cuimhneacháin san Fhaiche Mhór tar éis a bháis in 1928 agus tá an dealbh caomhnaithe anois i Músaem Cathrach na Gaillimhe.
D’aistrigh Diarmuid de Faoite Seacht mBua an Éirí Amach (2016) agus Scothscéalta (2024), agus chuir sé Rogha Scéalta (2008) in eagar. Tá Gradam Stewart Parker agus Duais Aitheantais an Oireachtais faighte aige as a sheó aonair clúiteach Pádraic Ó Conaire.
Is imeacht saor in aisce é. Ní mór áit a chur in áirithe roimh ré ag
Museum@GalwayCity.ie / (091) 532460. Oiriúnach do dhaoine fásta.
Léiriú Ceoil Traidisiúnta
14 Márta 2026 | 1:00pm–2:00pm
Cuirfear clabhsúr leis an gceiliúradh le léiriú bríomhar ceoil traidisiúnta ó Sheaimpíní na hÉireann, Maureen agus Brendan Browne, deartháir agus deirfiúr as an gCladach, Gaillimh.
Tá cáil ar na siblíní Browne as a gceoltóireacht bhríomhar ar an bhfidil agus ar an mbosca ceoil, agus iad ag gabháil fhoinn, bheirt de bhunadaoirí an bhanna Back West a bhfuil gradaim bainte amach aige. Léiríonn a n-albam, The Long Walk (2017) agus Heritage Hall (2018), stór saibhir atá fréamhaithe i dtraidisiún an Chladaigh.
Le linn an tseó cloisfear amhráin mór le rá ar nós Galway Bay, The Galway Shawl agus The Old Claddagh Ring.
Is imeacht saor in aisce é agus tá fáilte roimh chách, beag beann ar aois.
Is féidir le cuairteoirí taitneamh a bhaint as raon leathan taispeántas sa Músaem, lena n-áirítear An Tír Faoi Thoinn – The Land Beneath the Waves; Timpeallaithe ag Cloch; Coimeádaithe na nGael; Réabhlóid i nGaillimh, 1913–23; Húicéir na Gaillimhe; Earth Action; agus An tAtlantach Fiáin – Eolaíocht na Mara.
Uaireanta Oscailte: Máirt–Satharn, 10:00am–5:00pm (dúntar na dánlanna ag 4:45pm)
Cead isteach SAOR IN AISCE.
Oibríonn Músaem Cathrach na Gaillimhe faoi choimirce Chomhairle Cathrach na Gaillimhe.