Cóilín Duffy
Beidh súile phobal peile na tíre ar fad ar Pháirc an Chrócaigh an deireadh seachtaine seo nuair a thabharfaidh Daingean Uí Chúis aghaidh ar Naomh Bríd ó Chontae Ros Comáin i gcluiche ceannais uile-Éireann chraobh AIB na gclub sa pheil. Craolfar an cluiche beo ar TG4. Don chlub Gaeltachta as Corca Dhuibhne, is buaicphointe stairiúil eile é ar thuras a thosaigh blianta fada ó shin.
Ag labhairt dó le An Páipéar, dúirt Mícheál Geaney go bhfuil atmaisféar thar a bheith dearfach timpeall an chlub ó tháinig siad slán as an gcluiche leathcheannais.
“Tá fuadar agus spleodar ollmhór sa bhaile ó na cluichí leathcheannais,” a dúirt sé. “Bhuaigh an dá fhoireann ar bhealach drámatúil agus mhothaigh tú láithreach go raibh rud éigin speisialta ag tarlú. Tá bratacha agus dathanna an chlub ar fud an bhaile, tá spraoi agus magadh ann. Ach ag an am céanna tá gnó tromchúiseach le déanamh.”