Labhair an Coimisinéir Gaeilge ó thuaidh, Pól Deeds le An Páipéar faoina chéad mhí sa ról
‘Cosúil le cuid mhór daoine, bhí mise ag rá le blianta fada nach dtarlóidh sé seo.’ Sin a dúirt Pól Deeds le An Páipéar nuair a cuireadh ceist air faoina chuid smaointí sular chuir sé isteach don ról.
‘Nuair a tháinig sé amach, agus de réir mar a bhog muid níos cóngaraí den ról a bheith bunaithe, bhí mé ag obair i bhForas na Gaeilge ag an am, mar Leas-Phríomhfheidhmeannach. Bhí cineál de dhualgas agam don tuaisceart agus mar sin bhí an ról seo tábhachtach domsa.’
‘Ag an phointe sin, le fírinne, mhothaigh mé trua don té a bheadh ag glacadh leis an ról agus bhí mé féin, cosúil le roinnt daoine, ag tabhairt, “cailís nimhe,” ar an rud, mar thuig muid cé chomh mór is a bheadh na dúshláin.’
Labhair Pól Deeds faoin iontas a bhí air nuair a tháinig an ról chun tosaigh mar shíl sé nach mbeidh an ról ann ar an chéad dul síos, ach luaigh sé faoin phróiseas a ghlac sé air cur isteach dó.