I mír ghramadaí na seachtaine seo beimid ag tabhairt aghaidh ar an gcéad réimniú den aimsir fháistineach. Úsáidtear an aimsir fháistineach chun tagairt do ghníomhartha amach anseo, amárach, an tseachtain seo chugainn, an mhí seo chugainn agus mar sin de. Léigh na rialacha seo thíos agus freagair na ceisteanna a leanas.
Rialacha
- An fhoirm cheisteach
- Cuireann an mhír cheisteach urú ar chonsain: an bhfágfaidh?
- Ní chuireann an mhír cheisteach urú ar ghutaí: an osclóidh?
- An fhoirm dhiúltach
- Cuireann an mhír dhiúltach séimhiú ar chonsain: ní chuirfidh
- Ní dhéanann an mhír dhiúltach aon athrú ar ghutaí: ní osclóidh
Arís tá deiridh dhifriúla ar bhriathra, cuid acu caol, cuid acu leathan.
| Briathar caol | Briathar leathan |
|---|---|
| Cuir | Bog |
| Cuirfidh mé | Bogfaidh mé |
| Cuirfidh tú | Bogfaidh tú |
| Cuirfidh sé/sí | Bogfaidh sé/sí |
| Cuirfimid | Bogfaimid |
| Cuirfidh sibh | Bogfaidh sibh |
| Cuirfidh siad | Bogfaidh siad |
| An gcuirfidh? | An mbogfaidh? |
| Ní chuirfidh | Ní bhogfaidh |
Ceisteanna
- (Féach) muid ar an teilifís anocht.
- (Beir) sí gréim ar an liathróid sa chluiche.
- An (glan) tú do an teach ag an deireadh seachtaine?
- Ní (fág) mé m’eochracha sa bhaile arís!
- (Bris) sibh an fhuinneog sin arís muna bhfuil sibh curamach.
- An (Dún) sé an doras?
- An (Fill) tú abhaile anocht?
- Ní (Íoc) sé an t-airgead ar ais.
- (Ól) siad neart uisce tar éis an cluiche.
- An (Clois) sibh an fhuaim?