Bronnadh Gradaim Ghnó Mhaigh Eo 2025 ar ghnólachtaí ar fud an chontae, leis an Aire Forbartha Tuaithe, Pobail agus na Gaeltachta, Dara Calleary TD, i láthair i nDánlann an TF Royal, Caisleán an Bharraigh. Tugann na gradaim ómós do na gnólachtaí sin a chuireann an Ghaeilge i gcroílár a gcuid oibre laethúil agus a úsáideann teanga na Gaeilge mar acmhainn chruthaitheach agus tráchtála.
D’fhógair Gnó Mhaigh Eo gurb é seo an sparán is mó dá gcuid gradam go dtí seo, pacáiste luachmhar €45,000 idir na ceithre chatagóir agus an duais mhór. I measc na mbuaiteoirí bhí Aodha, Sráid an Droichid, Cathair na Mart, sa chatagóir Brandáil; Caifé Brú, Sráid na Mainistreach, Caisleán an Bharraigh, sa chatagóir Comharthaíocht; Mescan Brewery, Cill Salach, Cathair na Mart, sa chatagóir Ábhair Ghnó nó Láithreán Gréasáin; agus Glasraí, a bhain an duais do Sheirbhísí Gaeilge. Thug Mescan Brewery leo an bpríomhgradam.