Tá na Rúisigh ag teacht! Tá na Rúisigh ag teacht!
Sea, táimid ar ais sa chogadh fuar, agus pobail an Iarthair faiteach roimh bhagairt ón Oirthear, ón Rúis, ó fhórsaí an diabhail. Agus mar gheall ar an mbagairt seo tá brú orainn ar fud na hEorpa, i dtír neodrach nó eile, airgead a bhaint ó chiste an leasa shóisialta agus ullmhúcháin a chur i gcrích don chogadh atá ag teacht.
Ach níl aon bhagairt ann. In ionad glacadh le scéalaíocht an Iarthair a chumann pictiúir de Rúisigh ar thóir fola dúinn, b’fhéidir go mbeadh sé níos fearr breathnú ar a bhfuil á rá ag na Rúisigh féin. Ní haon dochar ach an oiread cluas a thabhairt do dhearbhú an leagain Rúisigh den scéal a thuig daoine ar nós Henry Kissinger fiú .
Thug Kissinger rabhadh go mbeadh cogadh ann dá ngabhfadh ECAT isteach san Úcráin. Thug sé rabhadh go gceapfadh na Rúisigh go raibh iarracht ar siúl iad a thimpeallú agus na stáit Bhailteacha in ECAT cheana agus caint oscailte faoin Úcráin, an tSeoirsia agus an Mholdóiv a thabhairt isteach sa chomhghuaillíocht.