Níl aon fhaoiseamh ann don ghéarchéim thithíochta. Shiúil na mílte i mBaile Átha Cliath an tseachtain seo caite ag éileamh gníomh ón rialtas le tithe sóisialta a thógáil ag ráta cuimsitheach ard. Níor thug an rialtas aird ar bith orthu.
Tá an scéal seo anois cosúil le scéal Gaza. Lá i ndiaidh lae feicimid an t-uafás, ach in ainneoin mhíshástacht an phobail ní athraíonn an rialtas a bpolasaí. Leanann siad leis an gcur chuige atá ag cliseadh go soiléir, leis an gcóras atá ar anchaoi.
Sea, tá an chodarsnacht ann i gcónaí. Ar thaobh amháin deir móramh sna pobalbhreitheanna nach bhfuil siad sásta le polasaí tithíochta an rialtais, ach ag an am céanna tugann 40% de na vótóirí tacaíocht do na páirtithe rialtais, Fianna Fáil agus Fine Gael, atá ciontach as an bhfaillí.
Tugann na figiúirí seo misneach don rialtas leanacht le túsáit a thabhairt do riachtanais bhrabúis na n-infheisteoirí, na gcreach-chistí go háirithe.