Gabhadh Sue Pentel agus Martine McCullough Dé Sathairn seo caite i mBéal Feirste agus iad i mbun agóide ar son na Palaistíne
Dé Sathairn seo caite bhí agóid taobh amuigh de bhanc Barclays ar Phlás an Chaisleáin i mBéal Feirste. Bhí gníomhaithe de chuid chraobh Bhéal Feirste d’Fheachtas Dlúthpháirtíochta na hÉireann leis an Phalaistín ag déanamh agóide in éadan na nascanna atá ag an bhanc le comhlachtaí cosanta in Iosrael. Dúirt Sue Pentel, ‘go bhfuil Barclays ar cheann de na bainc is mó a bhíonn ag láimhseáil bannaí cogaidh rialtas Iosrael.’
Gabhadh Sue, 72, agus gníomhaí eile, Martine McCullough, atá ina 50í, taobh amuigh den bhanc faoi amhras damáiste coiriúil a dhéanamh. Cuireadh greamáin ar uathmheaisín bainc. Tá cosaint déanta ag SPTÉ ar an mhéid a rinne siad. Dúirt an Leas-Phríomhchonstábla Ryan Henderson gur amharc siad ar fhíseán cheamaraí colainne na n-oifigeach agus go measann sé go raibh gníomhartha na n-oifigeach ‘dleathach agus comhréireach.’