Ní híonadh ar bith é go bhfuil an Rúis drogallach faoin sos cogaidh atá molta ag na Stáit Aontaithe. Tá an lámh in uachtar acu ar an láthair throda, agus cad chuige a ngéillfeadh siad spás agus am don Úcráin scíth a ligean, a dtrúpaí a athghrúpaíil agus filleadh chun cogaidh ag deireadh na 30 lá atá luaite mura mbeidh dul chun cinn cinnte le déanamh i gcainteanna síochána?
Sin é, ar ndóigh, a tharla roimhe. I ndiaidh an coup a spreag na Stáit Aontaithe i gCív in 2014, rinne an Rúis comhaontú leis an Úcráin. Sa gcomhaontú sin bhí an Úcráin le bheith neodrach gan aon bhaint le ECAT ná eagraíocht mhíleata ar bith eile, agus bhí na dúichí Rúiseacha sa Donbas agus in oirthear na tíre le bheith faoi údarás Chív ach le féinriail agus a gcearta teanga faoi bharántas.