D’fhoilsigh Coimisiún na Meán torthaí ar shuirbhé a rinne siad maidir leis an nGaeilge Dé Máirt an 17 Nollaig. Tá athbhreithniú leathan á dhéanamh ag Coimisiún na Meán ar sheirbhísí ag us ábhar i nGaeilge sna meáin i gcoitinne.
Rinneadh an suirbhé i mí an Mheithimh agus mí Iúil 2024 i measc 1,200 duine thar 18 mbliana d’aois sa Ghaeltacht agus taobh amuigh den Ghaeltacht. Bhí naoi gceist i gceistneoir an tsuirbhé.
Bhí locht amháin sa mhodh taighde sa mhéid is gur thuairiscigh 100% de f hreagróirí na Gaeltachta gur cainteoirí Gaeilge iad. Ní féidir leis an sampla sin a bheith ionadaíoch, ar ndóigh, mar níl Gaeilge ach ag 66% de dhaonra na Gaeltachta dar le Daonáireamh 2022.
An toradh is suntasaí a thagann as an suirbhé seo ná go bhfuil 64% den phobal náisiúnta agus 87% de chainteoirí Gaeilge sa Ghaeltacht ag iarraidh níos mó ábhar Gaeilge a bheith ar an teilifís.