Ar nós Dracula, a d’éirigh gach oíche le dul sa tóir ar fhuil na mbeo, tá conradh trádála Mercosur tagtha chun solais arís, agus aontú idir an tAontas Eorpach agus tíortha Mercosur – an Airgintín, an Bhrasaíl, Uaraga, Paragua, an Bholaiv agus Veiniséala (atá ar fionraí ón mbloc faoi láthair).
Bloc trádála de chuid Mheiriceá Theas atá i Mercosur, cosúil leis an gComhphobal Eacnamaíoch Eorpach mar a bhí, ach amháin nach bhfuil aon aontú polaitiúil nó míleata i gceist.
Tá sé mar aidhm ag an mbloc socruithe níos fearr trádála a dhéanamh leis an domhan ar fad, agus leis an Iarthar go háirithe.
Tá os cionn fiche bliain caite in idirbheartaíocht don chonradh seo, ach anois sa socrú a aontaíodh beidh Mercosur in ann mianraí mar aon le hearraí talmhaíochta a dhíol isteach san Aontas Eorpach gan táillí. Cuirfidh sé leis an trádail ó Mheiriceá Theas leis an Eoraip.