Do
- dom – dúinn
- duit – daoibh
- dó, di – dóibh
Úsáidtear do le roinnt briathra agus leanann séimhiú é.
- Gheall sé don mhúinteoir go ndéanfadh sé staidéar
- Bheannaigh sé do Shíle nuair a chonaic sé í
- Tabhair an leabhar do Sheán
- Ná hinis an scéal sin do dhuine ar bith
- Taispeáin do Dhaidí an bronntanas a fuair tú
- Ná géill do bhithiúnaigh
Athraíonn do go d’ roimh ghuta agus roimh fh-.
- Lig d’Úna na milseáin a ithe
- Ná tabhair d’Éamonn é
- Níor lig sé d’fhiaile fás sa ghairdín
Athraíonn do agus an go don.
- Inis an scéal don mhúinteoir
- Tabhair an liathróid don imreoir eile
- Cén fáth nach mbeannóidh tú don chailín sin?
Athraíonn do agus a go dá
- Ghéill an saighdiúr dá namhaid
- Bheannaigh sí dá cara
- Rinne sé dá thuismitheoirí é
- Thaispeáin siad na freagraí dá ngrúpa
Líon na bearnaí sna habairtí seo
- Inis _____ an freagra agus tabharfaidh mé milseán _____.
- Ná lig ______ chat isteach!
- D’iarr sí air gan dul agus gheall sé _____ nach rachadh sé.
- Thaispeáin a athair ______ an chaoi cheart lena dhéanamh.
- Mura bhfuil an obair déanta faoin am a dtiocfaidh Mamaí abhaile beidh sí ag tabhairt amach _____!
- Thug sé a cheadúnas _____ gharda.
- Thug bean an tsiopa sóinseáil _____ bhuachaill.
- Ná lig _____ scéal sin cur isteach ort!
- Bhí ocras ar na páistí, mar sin thug Daidí rud éigin le hithe _____.
- Tá tart orm, tabhair deoch ____!
- Ní ligfear _____ dul amach arís má tá tú déanach ag dul abhaile anocht!
- Tugann a mamó cúig euro ____ Shíle nuair a théann sí ar cuairt.