D’fhogair an rialtas pacáiste tacaíochta i dtaobh an ardaithe ar phraghasanna ola agus gáis ag eascairt ó chogadh na hIaráine. Ach cé go bhfuil fáilte curtha roimh na beartais atá ann, den chuid is mo deir an freasúra nach leor iad agus go raibh an rialtas rómhall á dtabhairt isteach.
Seo atá beartaithe ag an rialtas:
- Gearrfar mál go sealadach ar bhreosla mótair go dtí deireeadh mhí na Bealtaine.
- Laghdófar na rátaí faoi 15 cent in aghaidh an lítir ar pheitreal, 20 cent in aghaidh an lítir ar dhíosal agus 3 cent in aghaidh an lítir ar dhíosal marcáilte (díosal dearg).
- Ina theannta sin, mar gheall ar athruithe ar tháille na Gníomhaireachta Cúltaca Ola Náisiúnta gearrfar táillí rialtais de 2 cent sa bhreis an ceann ar dhíosal agus ar pheitreal ar feadh tréimhse dhá mhí.
Mar aon leis sin tá scéim speisialta ann d’oibreoirí lastais le haghaidh díosal a ceannaíodh ó thus na bliana go deireadh mhí an Mheithimh.
Idir an dá linn, síneofar séasúr an liúntais breosla de cheithre seachtaine sa bhreis, rud a chiallaíonn go bhfaighidh na 470,000 teaghlach atá ag fáil an liúntais breosla tacaíocht airgeadais bhreise de €38 in aghaidh na seachtaine.
Caithfidh tú a bheith logáilte isteach chun an t-ábhar seo go léir a fheiceáil. Logáil isteach le do thoil. Nach síntiúsóir tú? Bí linn!